Mien Limburg

Teks: Ron Roemen
Meziek: Huub Lemmens

Leedje euver oos prachtig Limburgs landsjap.
Zo’n leedje moog netuurlik bie gein Limburgs bendje óntbraeke.

INTRO

REFREIN :
Limburg mien limburg landj van moodermaas
Omzuimp door kaore mais en graas
Bös ouch ‘t landj van ‘t witte goud
Mien limburg landj wo ich van houd

Ich höb zoveul vanne waereld gezeen
Woor in sydney new york en ouch in paries
Ze zeen allemoal waal groeat en sjoean
Mer limburg det spintj toch de kroean
Ich woor d’r baes waal gaer
Mer hoof neet persé weer draer
Want plat kalle haeltj mich gezondj
Op dae gooje bourgondische grondj

REFREIN

Bön hiej gebaore es kleine jong
Ich wis geliek al wo ich veur stong
Limburger bön ich in hert en neer
Nao ‘t boetelandj gaon ich noeatj mier
Ich bön hiej toch zoea bliej hiej mit mien boerderie
Det geveul wil ich ech neet mier kwiet
Veur mien gelök hoof ich neet mier zoea wiet

REFREIN 2x
Mien limburg, landj wo ich van houd