WINNAAR LVK 2013

LVK

Winnaar LVK 2013 Roermond

Laef, Limburg Laef !

Teks & meziek: Ron Roemen

Intro:

Laef
Laef
Laef, Limburg laef!

Hie in oos bourgondisch lendje, in ’t brónsgreun eikehout
Is eder jaor ein fieës, det is al lang bekroeandj mit goud
’t-Is veur ós ‘t allerhoogste waat ’t guuef op dizzen aerd
‘t Hètj hie vastelaovendj en det is ós alles waerd

Refrein:

Laef, laef, Limburg laef!
Riet de kas mer aop en haol de pekskes droet
Laef, laef, Limburg laef!
Boew de wages aaf en roop de prinse oet
Laef, laef, Limburg laef!
Blaos de hoempapa weer de waereld in
Vier ’t neet allein, vier mit ederein
Vier ’t óngerein, vier mit groeat en klein
Vier ’t naevenein, vier ’t achterein
Laef, laef, Limburg laef!
Laef, laef, Limburg laef!

Solo:
Laef
Laef
Laef, Limburg laef!

Kónfetti en serpentines, vlege hie drie daag dore lóch
Det mink zich mit meziek, daovan höbbe veer genóg
Doog daobie ‘n sjeutje gekkigheid en eine flinke hampel spas
‘nne Klódder bóntje kluuere, ‘n porsie joeks en snap uch vas

Refrein

Oze nachtegaal brultj vanne spas
Oze lieëw dae zink voloet
Zellefs die twieë loupe oet de pas
Blaoze same op die toet

Lalalalalalala

Refrein

Laef!


Montfort wint

Det stóng groeat oppe veurpagina vanne Limburger op zaoterdig 2 februari 2013.

Ein veurpagina wo veer, es gewuuen moferter jónges, allein mer van kinne droume mer dae droums is oetgekómme.
Nao twieë Top 5 plaatse (ein prachtige 2e plaats in 2009 en ein 5e plaats in 2011) is hae d’r dan noe………………de LVK-TITEL.
Veer höbben ‘m!!!!!

Bedank allemaol !

Veer höbbe ontèlbare sms’jes, meeltjes en berichte op facebook en youtube gekrege en num ’t ós neet kwaolek: Veer kinne ze nag neet ins allemaol laeze (op dit moment!!) gezwiege allemaol beantjwaorde.
Dus bie deze aan ederein: Danke, Limburg danke!

Danke veur alle hertverwermende kaarte, blome, drankpakketjes, sms’jes, meeltjes en alle anger dinger die veer moogdje kriege.

Hiejónger ein paar links wootj geer nag ‘ns lekker van alles kintj genete.

Ron en Harrold

Danke, Limburg, danke!

Danke, danke danke,
Danke aan ederein dae ós is kómme felecitere.
Danke ane artieste die dao wore.
Danke aan ederein dae ós haet toegespraoke.
Danke ane artieste die opgetraoje höbbe.
Danke veur ein geweldig fieës det veer in Mofert höbbe ...moge belaeve.
Danke det veer nag eine kieër van oos LVK-wins höbbe kinne genete.
Danke aan ederein dae veer vergaete zeen.

Ron en Harrold

Oetslaag finale LVK 2013

1. Laef, Limburg laef! - Montfort (La Bamba) - 78 pt.
2. 33 Daag - Venlo (Bram & Ruud) - 70 pt.
3. De Voicemail - Susteren (Spik en Span) - 57 pt.
4. Allemaol - Sittard (Christel & Paul-Jean) - 53 pt.
5. Vasteloavos Samos - Heerlen (Paul & Leo) - 47 pt.
6. 'n Fluitje van 'ne sent - Limbricht (Kartoesj) - 46 pt.
7. In de Wolke - Panningen (De Breurkes) - 43 pt.
8. Òs Bestaon - Venray (Bjorn & Mieke) - 39 pt.
9. Dao bun ich met gebaore - Haelen (Hoondervel!) - 37 pt.
10. Hange - Venray (De Stappers) - 34 pt.
11. 't Verlange - Weert (Ronald en Carien) - 28 pt.
12. Pappa Mamma - Horst (Thijssen en Co) - 27 pt.
13. Höbs doe ouch zo'ne zin - Sittard (Cyrille Niël) - 26 pt.
14. Ich knap op en aaf! - Hulsberg (De Geliënde) - 22 pt.
15. Murge blief ich Thoes - Neer (Óm in te Lieste) - 20 pt.
16. Eh ?...Lalala - Stramproy (Men in Pek) - 17 pt.
17. Ik bin vastelaovend - Blerick (Roy van den Broek) - 16 pt.
18. Ik bin genne boer - Velden (Boer Jan en zien cowboys) - 14 pt.
19. De Vastelaovesheld - Stein (Wim en Loe) - 6 pt.

 

lvk2013 delimburger2

lvk2013 delimburger4

De titel zaet waarsjienlek al eine houp zoea neet álles euvere inhoud van ’t leedje womit veer dit jaor Limburg haope te verovere.

Veer gaeve de miense in Limburg ein opdrach mit veur ’t sezoen 2012/2013: Laef, Limburg laef!

Oos vastelaovesleedje is volges ós, enne luuj die ‘m al gehuuerdj höbbe, eine mix van hieël väöl versjillendje meziekstiele. Kóm effe mit de keuke in want dan is ’t mesjien ‘t bèste oet te ligke.
Hie is ’t recep:

Pak ein pan en zit ’t vuur op volle poele: GAAS!.
Doog inne pan ‘nne flinke hampel Hollanse fieësmeziek, neet te zuinig. Sjöd dan ein sjeutje Duitse sjlager en Hollanse pop d’rbie en wèrk det aaf mit ein klóddertje Tirol. Toet slot, ómme meziek aaf te make, nag ein flinke porsie Limburgse vastelaovesmeziek drin sjödde. Neet te neij kieke.
Esse god reurs dan höb se eine euverheerlikke mix van meziekstiele inne pan.
Smiet dao eine leuke Limburgse teks bie dae ederein drek kintj mitblaere en dan höb se eigelek gewuuen ein lekker modern Limburgs Vastelaovesleedje.

Laot ’m uch smake en väöl kiek- en loesterplezeer mit oze clip!!!

Kóm bie oos Facebook fanclub

Es geer oppe huuegdje wiltj blieve van oos lèste nuuts, volg ós dan op Facebook.

Voor het optimaal functioneren van onze website gebruiken wij cookies, die wij op uw computer plaatsen. Daarbij slaan wij geen persoonlijke gegevens op. Door op ‘Akkoord’ te klikken, accepteert u het plaatsen van cookies.
Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.