Halleluja, alaaf

Teks & meziek: Ron Roemen

Halleluja, halleluja, halleluja
Halleluja, halleluja, halleluja, halleluja

Inne vastelaovesmès gebeurtj altied waal get
‘t-Is of de duvel d’rmit speeltj
Veure fienish kiepdje ’t kollektemendje óm
Bie de kepel op ‘n tróm
Zónne sjoeane roeffel zach pestoear höb ich nannoeatj gehuuerdj
Dit klink mich wie meziek in mien oeare
Daovan kriege veer vanaovendj same väöl plezeer
Hae sprong oet zien gewaad en reep: "Kóm op, veer gaon op paad"

Refrein:
Halleluja, halleluja, halleluja
Halleluja, halleluja, halleluja
’t Beer geit drin “wie-water”, zalig wie det smaak
‘ns Lekker zondige det moog
Daoveur is ‘t vastelaovendj, laef dich oet, laot geine staon
Es God bleef kinn’ v’r drie daag gaon
Halleluja, halleluja, halleluja

Pestoear dae haet de pot en brink de rundjes ónnag róndj
Want in bedene is d’r good
“God guuef ós de neut” reup hae, “mer kraak ze neet veur ós”
Mer neet getreurdj, des zoea gebeurdj
De köster gluif dao heilig in, sprink oet ’t nieks op ‘t beffet
Ouch hie wiltj hae de bel laote klinke
Mer flótter es d’rbaove woor is hae weer trök op aerd
‘ch-Koom net neet bie de bel mer weit noe wie ich “klokke-spel”

Refrein
Stèl dich ‘ns veur pestoear es prins dan geit ’t daak hie draaf
Ziene spreuk, kort mer krachtig: Halleluja, alaaf!

Alle zaenge kump van baove, waat ’n hemels sfeertje hie
Mer in ‘nne vlook en ‘nne zuch is ’t gedaon
Kries doe det kruutske veure kop, zitj vastelaovendj d’r weer op
Mer veur ’t zoeawied is laot’ veer ‘m lekker gaon

Halleluja, halleluja, halleluja
Halleluja, halleluja, halleluja
Halleluja, halleluja, alaaf!

 

  • Hits: 881
Voor het optimaal functioneren van onze website gebruiken wij cookies, die wij op uw computer plaatsen. Daarbij slaan wij geen persoonlijke gegevens op. Door op ‘Akkoord’ te klikken, accepteert u het plaatsen van cookies.
Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.