Veer moge weer (daag en nach)

Teks en meziek: Ron Roemen

Intro: Oooooooooooh veer moge weer

Solo: hey hey, hey hey, hey hey

De sjaatser smiltj eweg van ’t ieëste läögske ies
De altied-ieëwig twieëdje haet noe d’n ieëste pries
De fómfaar is kampejoen, die haet de hoeage C geraak
Robert Langdon dae nao ‘nne zeuktoch de Da Vinci code kraak
Vastelaovendj is weer hie, des dezelfde euforie

Refrein:
Veer moge weer, veer moge weer
’t Hèk is vanne dam
Veer moge weer, veer moge weer
Veer staon in vuur en vlam
Daag en nach laot’ veer ‘m gaon, lach de zón of lach de maon
Daag en nach loupe veer werrem veur ‘n kaad glaas beer
Daag en nach knortj oze maag, höbb’ veer hónger nao dees daag
En dan rope veer: Veer moge weer

Solo: hey hey, hey hey, hey hey

‘t Zèstal sjuutj de vogel aaf want det wintj ’t OLS
Doe veuls dich inne hemel oppe top vanne Everest
De duker dae get zeldjzaams zuutj löp ’t water inne móndj
De prins dae oete doeas sprink, raak dae nag oeatj de gróndj?
Vastelaovendj is weer hie, des dezelfde euforie

Refrein

Veer blieve door-, door-, doorgaon, zoealang es ’t gezellig blief
Mesjien waal toet d’n haan zich de pupse oete ouge wrief

Jalala, jalala
Jalalalalala
Jalala, jalala
Jalalalalala

Refrein

  • Hits: 826
Voor het optimaal functioneren van onze website gebruiken wij cookies, die wij op uw computer plaatsen. Daarbij slaan wij geen persoonlijke gegevens op. Door op ‘Akkoord’ te klikken, accepteert u het plaatsen van cookies.
Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.