Veer gaon skieje

Teks: Ron Roemen meziek: Ron Roemen/Johnny Blenco/Fred Mays

Refrein:
Veer gaon skieje zoea vertèlle v'r thoes
Veer gaon skieje 'n waekske wied van hoes
Jao jao jao veer gaon skieje 't huuske is gehuurd
Veer gaon skieje det mèntj de ganse buurt

Nao de vastelaovendj gaon veer weer d'ropoet
Mèt get vrunj nao Kirchberg 'ns same lekker droet
Die latte intressere ós hieëlemaol gèn moer
Inne Après-skihut kiek'-veer neet op 'n oer

Refrein

Fieëste hie de klok róndj, det haje veer waal vol
"Control-alt-delete" veer gaon gans oet oze bol
Hie tröf se gèn bekindje, hie-'s nemes dae 'ns kiek
Baoven oppe taofel op Après-ski-meziek

Refrein

Waat is noe 'n waekske? Det is toch zoea veurbie
Inne koeaj toet middig dan drek weer Après-Ski
Oos skies die blieve zuver die blieve in 't vèt
Veer wille gèn roddels daoróm mótte die mèt

Refrein – lèste regel 2x -