Zaoterdig 25 jannewarie inne 3e halve finale van ’t LVK: Gesneje oet ‘tzellefde hout!

Kómmendje zaoterdig steit La Bamba inne 3e halve finale van 't LVK.

Vintj geer det dit leedje inne groeate LVK-finale huuertj? Dan kintj geer ós helpe!

Kómmendje zaoterdig 25 jannewarie staon in Dagblad De Limburger en het Limburgs Dagblad weer de bekindje bónne.
Es geer ein kruutske wiltj zitte bie leedje nummer 56: La Bamba "Gesneje oet 'tzellefde hout!", Montfort dan maak geer ós weer hieël erg blie .

Vul dudelek euche naam, adres en tillefoonnummer in en sjik de bón nao
Stichting LVK,
Postbus 1625,
6201 BP Maastricht.

Maximaal 3 bónne per envlop.

Nao aafloup vanne halve finale kintj "het volk" ein half oer lang per sms of tillefoon stumme.
Op zaoterdig van 12.00 – 12.30 oer en op zónjig, nao de herhaling vanne oetzending, van 16.00 – 16.30 oer. Sms LVK56 nao 4422 of bel nao 0909-2027030.

Hieël hertelek bedank veure steun,

De boys from La Bamba

Ein ech vastelaovesleedje mit ein knipuigske nao de jazz en rock ’n roll.

De vastelaovendj viere veer allemaol op oos eige meneer.
D’n eine bekiek ’t vanaaf de zielien en d’n angere geit veurop inne polonais.
Ein vrouw v’rklèdj es hippie en häöre man es dansmerietje.
Ondanks de versjille zeen veer Limburgers same ein, ómdet veer zeen “Gesneje oet ‘tzellefde hout!” 

Informasie euver de anger 58 leedjes en de halve finale steit hiej >