Veer haope dit jaor de vogel aaf te sjete mèt “Festwies La Bamba Style”. De bekindje "Festwies Polka" höbbe veer stevig verslagerd en in ein nuuj fris, catchy jeske gestaoke zoeadet d’r weer gans up-to-date is. Allemaol zinguuuuh....lalalalalalala

Meziek: Josef Poncar – Bewèrking: Joep Servais - Limburgse teks: Ron Roemen -

TEKS:

Lalalalalala

Bie ós dao steit ’n tent en kiek ’t waer is good - oho aha -
’t-Is sjöttersfieës dus ederein is good gemoodj - oho aha -
’t Dörp det is gekluuerdj, ‘t is zoea sjoean versierd - oho aha -
Aan alles kin se zeen det hie wuuerdj fieësgevierd - oho aha -

Lalalalalala

Van wied huuer ich meziek, dao kump d’n optoch aan - oho aha -
Ein prachtig stök keltuur mèt alles drop en draan - oho aha -
De sjötters die marsjere mèt ‘n strak gezich - oho aha -
Daonao wuuerdj ’t vezier op ’t beffet gerich - oho aha –

Lalalalalala