Teks en meziek: Ron Roemen

Gewuuen ‘n knettergek tex-mex leedje.
Mós se ech gehuuerd höbbe, hieël aanstaekelikke melodie en teks (volges angere).
Deze kreet guuef ‘t leedje net det bietje extra:
’n bietje gek, ‘n bietje gek, héééérstikke gek

Intro

Veer zeen hiej om os uns good te amezere
Om uns lekker ongerein te klasjenere
Doe hils van stomme kal of van un good gesprek
Misjien bos doe waal serieus misjien un bietje gek
- un bietje gek, un bietje gek, herstikke gek -

Refrein:
Hiej is ut te doon, jao hiej is ut te doon
Hiej wüërd gelache en gezonge
Hiej wüërd gedans en ouch gespronge
Hiej is ut te doon, jao hiej is ut te doon
Unne aovendj zonger polonais
Ich weit zeker det is hiej nag noeatj gewaes

Zonne aovendj kinne veer os op verheuge
Veer geniete allemaol mit volle teuge
Doe dinks neet aanne baas ach det dae mer verrek
Vanaovendj dinks doe nörges aan en duis un bietje gek
- un bietje gek, un bietje gek, herstikke gek -

Refrein

V'r probere effe alles te vergaete
Waat veer drinke hiej det is neet mieër te maete
Misjien geniets doe stil of bös doe good gebek
Misjien bös dao waal gans normaal misjien un bietje gek
- un bietje gek, un bietje gek, herstikke gek -

Refrein

Wo d'r luuj zeen dao is hieël get te belaeve
Doe besjäörs dich om dae gare biej dich naeve
Mer ouch doe höbs un gebrek want nemes is perfek
Den zègke ze; Dae foenk neet zuver, dae is un bietje gek
- un bietje gek, un bietje gek, herstikke gek -

Refrein

Teks: Ron Roemen
Meziek: Wim Roeffen

De roeaje van Janse ging altied door kappes en tebak, dae woor neet te haaje….. toet det d'r in eine klap verleef waerde op ’n prachtig vruike.
Hae dach (en dink ‘t sjienbaar nag ummer) det d'r ‘t gevónje haw.
Hae is doe nag eine kieër mit ós mitgegange nao de bujelezitting en daonao höbbe v'r vanne roeaje nieks mieër gehuuerd of gezeen.
Hae dans noe nao de piepe van die alte van ‘m.
Zoea loupe d'r mieër róndj oppe werreld dus de roeaje van Janse is neet de ènsigste…..helaas.

Intro

Stong d'r weer un tent
Kwaam hae d'r al aan
Ach den ging dae roeaje van Janse draan
Doe is ut gebeurt
Det ging väöl te gauw
Ooze Janse kreeg un vrouw

Refrein:
Holladijee holladijo
De roeaje van Janse woor d'r altied biej
Holladijee holladijo
Mer jonges dae tied is noe veurbiej
De roeaje van Janse zuus se nörges mieër
Ut bujelebal det woor de lèste kieër
Holladijee holladijo
Doe kries in ut laeve nieks kedo

Hong hae aanne teek
Woor ut dolle pret
Mèt de roeaje duvel woor altied get
En dae jong dae zoop
't-woor net unne trein
Mer die alte kreeg um klein

Refrein

Ieëwig vriegezel
Altied gooie mood
Stong d'r unne tap zoot dae Janse good
Det is noe gewaes
't-kump ouch noeatj mieër trök
Ut is weer un vrouw gelök

Refrein 2x

Teks: Ron Roemen meziek: Wim Roeffen

Intro

De fómfaar trèk ‘m veuroet
Op ‘t lès de prins hoeag baove alles oet
D’r tösse-in get wages, groepe of allein
Mèt waore dinger en get kwatsj, alles doorrein
Dus höbs doe gein gezèt
Kiek nao de optoch den kries doe alles mèt

Refrein:
Dao achter kump d’r, dao kump d’r aan
De vastelaoveskarrevaan
Waat is d’r dit jaor allemaol gebeurd
Waem is de klos, waem is d’r aanne beurt
Dao achter kump d’r, dao kump d’r aan
De vastelaoveskarrevaan
En ederein stuit lachend ziej aan ziej
‘t Ganse jaor kump weer veurbiej

Haet de sjilder zwart gewèrk
Ziene buurman dae det drek al haaj gemèrk
Geit inne optoch hallef zwart en hallef wit
Den witj drek eederein wie det noe werklik zit
Dus höbs doe gein gezèt
Kiek nao de optoch den kries doe alles mèt

Refrein

Ederein sjrief in ut plat
Veur de leukste dinger zeen d’r prieze zat
‘t Meiste waat d’r is te zeen is veur de gein
Mer mèt dae dörrepspolitiek wuuerd ‘t gemein
Dus höbs doe gein gezèt
Kiek nao de optoch den kries doe alles mèt

Refrein

Teks: Ron Roemen meziek: Ron Roemen/Johnny Blenco/Fred Mays 

Heinrich, Eine meter braotwoosj bitte

Die Meisterschaften "Braotwoosj essen" waren bei ons in die Stad
Ich übte al veel Jahren war die Braotwoosj aevel noch neet zat
Gewinner von die wedstrijd das war ich al lange vür dae Start
Und noe bin ich der kampioen, hab' lang dadrop jewart

Refrein:
Ich bin d'r braotwoosjkeuning, aet braotwoosj al mien laeve lang
Ze numme mich "'t Wusjke", und rope: "Du bis neet good sjang!"
Ich fiets steeds auf mien Fahrrad róndj Mittag in die Heimat trök
't Kräömpke op daen Eck haet vür mich altijd ein sjtöck

Zón ganz groeat sjtöck sogar. Mann, ist dat lecker!

Die eerste prijs war kein Pokal, nee nee dat war doch sonnenklar
Ein hele meter braotwoosj elke daag und lang ein ganzes Jahr
Der nächste Tag toen ich weer kwam da hab ich tegen hem gesag:
"Huuer alter Kerl anstatt eimaol kóm ich zwei kieër per daag"

Refrein 2x

Ich freu' mich jetzt alweer op die zwei von Morge Heinrich. Hoie, Tscheu!