Teks & meziek: Ron Roemen

En de winnaar van de hoofjury 16 puntje dus, die geit nao Laef Limburg laef oet Mofert.
De twieë manne oet Mofert die kriege de volle mep van de hoofjury 16 puntje, nou dan stuit Mofert op de ieëste plaats….. 

Twieë manne, versjillendj mer same ein, van kleins aaf aan bevrundj
Die waerdje de wins op ’t LVK al jaore zoea gegundj
“Dit jaor gaontj geer winne!”, det klónk euveral, waat waerdje det dök gezach
Zal-’t dan noe gaon gebeure? Det zów toch get zeen, waal gehaop mer neet verwach 

Refrein:

’t Wuuerdj noeatj mieër zoea sjoean wie d’n ieëste kieër
Zoea sjoean, zoea sjoean
’t Wuuerdj noeatj mieër zoea sjoean wie d’n ieëste kieër
Zoea sjoean, zoea sjoean
D’r is mer ein dink vervaelendj ane ieëste kieër
’t Smaak altied nao mieër
’t Wuuerdj noeatj mieër zoea sjoean wie d’n ieëste kieër
Zoea sjoean, zoea sjoean 

Joep Verbugt spreek de verlossende woorden en maak bekèndj waem ’t LVK 2013 haet gewónne,
“16 punte gaon nao, en det guf de doorslaag väör Laef, Limburg laef!”.
“Laef, Limburg Laef!” wunt hiej ’t LVK mit 78 puntje 

Traone van bliedsjap en óngeluif, totale euforie
Veer höbben ’m, geweldig, ’t is ós gelök en wie ein kindj zoea blie
Zoea stols wie ‘ne paw nao Mofert trök en “de Bertha” dae ging mit ós mit
De daag d’rnao stóng “Mofert wintj” laevesgroeat inne gezèt

Refrein

Mesjien wuuerdj ’t zoea sjoean neet mieër
Toch probere veer ’t weer aevezieër

Refrein – lèste regel 2x 

Teks & meziek: Ron Roemen

Lalalala

’t-Is ach oer inne morge, inne bós mit mienen hóndj
De zónnestraole kómme net toet ane gróndj
’t Paedje veurt nao baove zoea wied ich kieke kin
Mit traone van gelök duuk ich de bós gans deep in

Refrein:

Ich höb toch zón gooj zin, ich höb zón gooj zin
De zónnestraole gaon d’r bie mich zoea lekker in
Ich höb toch zón gooj zin, ich höb zón gooj zin
De morgezón die zorg det ich de daag good gemoodj begin

Lalalala

Hallef zeve inne morge, inne bós mit mienen hóndj
Mesjien ‘n oer gelaoge mer ach ‘n leugen is bès gezóndj
D’r-is gaaroet nieks te huueren allein ’n gans klein bietje windj
En ich zeen aan zien stertje waat mienen hóndj van alles vindj

Refrein

Lalalala

’t-Is zès oer inne morge, inne bós mit mienen hóndj
Mesjien ’n paar oer later mer dit kwaam ’t ieës oet miene móndj
Ich gluif veer zeen de ènsigste, de res lik nag in bèd
Dao haw ich ouch gaer gelaege mer veur d‘n hóndj gaon ich waal mit

Refrein

Ich höb toch zón gooj zin, ich höb zón gooj zin
De morgezón die zorg det ich de daag good gemoodj begin
’t-Is vief oer inne morge, ich haaj baeter mer de móndj
Want det ich noe al inne bós bön, ach det gluif……………toch gènnen hóndj

Intro:

Laef
Laef
Laef, Limburg laef! 

Hie in oos bourgondisch lendje, in ’t brónsgreun eikehout
Is eder jaor ein fieës, det is al lang bekroeandj mit goud
’t-Is veur ós ‘t allerhoogste waat ’t guuef op dizzen aerd
‘t Hètj hie vastelaovendj en det is ós alles waerd 

Refrein:

Laef, laef, Limburg laef!
Riet de kas mer aop en haol de pekskes droet
Laef, laef, Limburg laef!
Boew de wages aaf en roop de prinse oet
Laef, laef, Limburg laef!
Blaos de hoempapa weer de waereld in
Vier ’t neet allein, vier mit ederein
Vier ’t óngerein, vier mit groeat en klein
Vier ’t naevenein, vier ’t achterein
Laef, laef, Limburg laef!
Laef, laef, Limburg laef! 

Solo:
Laef
Laef
Laef, Limburg laef! 

Kónfetti en serpentines, vlege hie drie daag dore lóch
Det mink zich mit meziek, daovan höbbe veer genóg
Doog daobie ‘n sjeutje gekkigheid en eine flinke hampel spas
‘nne Klódder bóntje kluuere, ‘n porsie joeks en snap uch vas

Refrein

Oze nachtegaal brultj vanne spas
Oze lieëw dae zink voloet
Zellefs die twieë loupe oet de pas
Blaoze same op die toet  

Lalalalalalala

Refrein

Laef!

Teks: Ron Roemen meziek: Joep Servais

Ich woor d’r neet zoea nao op zeuk
Mer ‘ch-haw mesjien waal drop gehaop
Allein zeen haet zien leuke kenj
Toch woor d’r dökker det gemis
’t-Gemis van emes naeve mich
Dae aaf en toe ‘ns zach: “Ich haaj van dich”

Refrein:

Doe bös ’t bèste waat mich oeatj is euverkómme
Doe bös ’t bèste waat d’r kwaam op ’t paedje van gelök
De leefde van mien laeve wo ich alles veur zów gaeve
Die kwaam zoea mer op ‘t paedje, ’t paedje van gelök

De angs die blief bie mich bestaon
Det oeatj ouch dit zal euvergaon
Waem witj raak ich ouch dich weer kwiet
Dao euver maak ich mich zoea drök
Mer dan stèls doe mich weer gerös
Es doe zaes: “Ich bön blie des se d’r bös”

Refrein

De angs óm mich te binje is die ech veurgood eweg?
Mesjien waer ich verlaote? Wuuerdj det mien nuuj gevech?
Mer doe bös nag steeds hie, doe liks nag steeds hie naeve mich
En doe fluusters in mien oear hieël zaach: “Vannach gaef ich mien hert aan dich”

Refrein

Teks: Ron Roemen meziek: Joep Servais/Ron Roemen

Intro: Verkes Wullem, Verkes Wullem, Verkes Wullem…
Verkes Wullem det woor eine echte flinke boerejóng
Van ein vaetje beer kiepdje Wullem ech neet óm
Dao woor gaar nieks aan te mèrke, jóng dao kós doe van opaan
Nao ein waekske wèrke ging hae flink d’r taengenaan
Is d’r noe ein fieës dan reup ederein: “Draan wie Verkes Wullem!” en zinge dit refrein 

Refrein:

Veer gaon draan, draan, draan
Veer gaon draan, draan, draan
Draan wie Verkes Wullem!
Veer gaon draan, draan, draan
Veer gaon draan, draan, draan
Draan wie Verkes Wullem!

Lalalalalala
In ‘t weekend goof hae gaas, ging hae door kappes en tebak
Dan reep Wullem: “Miense, zoepe is ‘n vak”
Dae gebieërdje ech nao nieks, veur hae mit zoepe woor begós
Woor ein vaetje laeg, haw hae nag neet ins echte dós
Is d’r noe ein fieës dan reup ederein: “Draan wie Verkes Wullem!” en zinge dit refrein 

Refrein

Lalalalalala
En kwaam Verkes Wullem d’raan
Heve ze hieël flót nag ein vaetje aan
Veur des doe mit dien ouge hats geknipperd woor ‘t laeg
Mit ein vaetje beer wis Verkes Wullem waal waeg

Refrein -2x–

Lèste regel -2x-

Teks & meziek: Ron Roemen

De kepel die trèk dore straot
De kónfetti dae dans oppe maot
Kiek de vlagge, waat sjoean, die sjoenkele mit
Hey Limburg stank op! Laot zeen wie det zit!

Hie in Limburg is ’t good!

In daen tied van vaeren oppe hood
Zeen veer good gemöts, gaon lekker oete bol
In daen tied van vaeren oppe hood
Geit de patsj weer op, steit alles oppe kop
Is de vastelaovendj dao
Loupe veer de spas weer achternao

Refrein:

Hie in Limburg is ’t good!
Mit oos Bókkeriejersblood
Zeen veer ech neet te verslaon
Es veer same d’rveur gaon
Hie in Limburg is ’t good!
Fieëste zit ós in ’t blood
En hie lieër se al es kindj
‘t-Is de spas dae ós verbindj
En hie lieër se al es kindj
‘t-Is de spas dae ós verbindj

Hie in Limburg is ’t good!

In daen tied van alles is egaal
Gaeve veer de lol weer aan oos kinjer door
In daen tied van alles is egaal
Sjoenkeltj groeat en klein hie drie daag lang mitein
Jónk gelieërd is aad gedaon
Kiek det maedje dao es opa gaon

Refrein

’t Ganse jaor höbs doe nao plezeer gezóch
’t Is neet te geluive, noe lik ’t oppe straot
Raap ’t op en goeaj ’t inne lóch
D’r is veur ederein genóg

Refrein – lèste regel 2x -

Teks: Ron Roemen  meziek: Huub Lemmens

Lalalala

Refrein:

Vastelaovendj inne zomer?
Det is de vraog mer luuj waat doon v’r?
Mit de zwumbóks inne polonais
Is hie nag noeatj gewaes
Vastelaovendj inne zomer?
Det is de vraog mer luuj waat doon v’r?
Alle vroulje höbbe rökskes aan
Dus waem löp weer drachteraan? 

‘n Gräödje of dertig d’n optoch vertrèk
Is det normaal?
De zón ane hemel, sjientj det ‘t verrèk
Ein dink is waal
‘t Glaeske beer versjaaldj get gaw
Mer ach det drinke veer ouch law 

Refrein

Lalalala

De Kersmis en Paose verhoeze die mit?
Is det te doon?
Dae viefdje december, waem witj wie det zit?
Zit’ v’r de sjoon?
Wuuerdj det neet eine óngerein?
Drie daag versjuuf se neet allein

 Refrein

Mer strakkes is ’t Kersmis, zit de paoshaas op ’t daak
Löp Sinterklaos de polonais, ach dan höb’ v’r get gemaak 

Vastelaovendj inne zomer?
Det is de vraog mer luuj waat doon v’r?
‘nne Hieëring oppe barbecue
Neet gek mer smaak det noe?
Vastelaovendj inne zomer?
Det is de vraog mer luuj waat doon v’r?
Inne wintjer is ’t wie ’t is
Mer ouch dao is nieks mit mis
Dus laot wie ’t is!

Teks: Ron Roemen meziek: Joep Servais/Ron Roemen

’t Is ein gegaeve, veer laeve mer ins
Dus maak d’r get sjoeans van zoealang es se kins
Stank op mit ‘nne lach en höb zin inne daag
Probleme van morge bestaon neet vandaag

Refrein:

Dink neet aan morge, dink neet aan morge
Dink neet aan morge mer laef vandaag
Dink neet aan morge, dink neet aan morge
Dink neet aan morge mer plök de daag
Kiek neet teväöl trök, det brink gein gelök
Relax oppertied en maak dich neet drök
Dink neet aan morge, dink neet aan morge
Dink neet aan morge mer laef vandaag
Gezellig ‘n weekendje same dropoet
Get aete en drinke en slaop dich ‘ns oet
Zoea aaf en toe niekse, ‘nne miens duit det good
‘ns Lekker ónspanne is good veur ‘t gemood

Refrein

‘ns Noe en dan stappe mit vrunj óngerein
‘n Waek nao de zón det vintj ederein fijn

Refrein

Dink neet aan morge mer laef vandaag

Teks & meziek: Ron Roemen

De buurman in zien Elvispak, dae miens is gans gewejtj
Dae haet zien ganse laeve nag gèn plaat van hem gedrejtj
Gek Jantje wiltj ‘ns weite, wie veultj det es aad wief
Ós An die geit gebodypaint mer det haet nieks óm ’t lief
Want waat se aan höbs maak nieks oet
V’r trèkke same d’ropoet

Refrein:

Veer zeen gesneje, veer zeen gesneje
Gesneje oet ‘tzellefde hout!
Veer zeen gesneje, veer zeen gesneje
Gesneje oet ‘tzellefde hout!
Toch zeen v’r ouch versjillendj mer same zeen v’r ein
Want d’r is ein belangriek dink det höbbe Limburgers gemein
Veer zeen gesneje, veer zeen gesneje
Gesneje oet ‘tzellefde hout!
Waat maak det loupe achterein ós allemaol verbintj?
‘t-Is dökker effe zeuke nao degene dae begintj
Ach nae toch, neet te gluive, waem löp doe noe veurop? 
Ome Wiel of Tante Leny? Mer ’t klèdje det is top
Want waat se aan höbs maak nieks oet
V’r trèkke same d’ropoet

Refrein

Oos dialekte die versjille  
Toch spraeke veer dezelfde taal
Want hie viertj ederein mit ein
Allein is neet allein

Refrein -lèste regel 2x-

(mit Dwayne Verheyden en Max Baca)

Teks: Ron Roemen meziek: Joep Servais/Ron Roemen

Refrein:

Alles waat oet Limburg kump drink toch zoea, drink toch zoea
Alles waat oet Limburg kump drink toch zoea gaer beer
Drinke oet, kiepe óm, staon weer op en drinke weer
Alles waat oet Limburg kump drink toch zoea gaer beer

Veer Limbo’s veer kieke wo ein tent steit
Veer Limbo’s veer make zoea gaer lol 
Veer Limbo’s veer gaon gaer nao de kèrmes
Veer Limbo’s veer haje langer vol 
Waer of gein waer, veer Limbo’s gaon örges haer

Refrein

Veer Limbo’s veer kieke wo de tap steit
Veer Limbo’s veer make gaer plezeer  
Veer Limbo’s veer pikke ein terrasje
Veer Limbo’s veer haje zoea van beer
Waer of gein waer, veer Limbo’s gaon örges haer

Refrein

Teks: Ron Roemen meziek: Joep Servais/Ron Roemen

’t-Is al zoea lang geleje wies doe de deur oet leeps
Mer wie de daag van gister steit ’t mich nag veure geis
De pien die veul ich noe nag, es ich dao weer aan dink
Es ich weer nao oos foto‘s kiek dan mis ich dich ‘t meis
’t-Kump good,  zoeaget mót sliete, wuuerdj door ederein gezach
Mer det geit toch waal get doere, verberg mien traone door ’ne lach  
Toch blief ich d’rin gluive, oeatj kómm’ v’r weer biejein
Dan gaon veer weer nao oos plaetskes want dao hawwe veer ’t same fijn 

Refrein:

In mien erm, in mien erm, oeatj liks doe weer in mien erm
Oeatj kumps doe bie mich terök
Ich weit zeker det ‘t lök
In mien erm, in mien erm, oeatj liks doe weer in mien erm
En bös doe bie mich terök
Zing’ veer same van gelök: Lalalalala 

Ich weit nag wie se zachs: Ich wil mien vrieheid gaer terök
D’r is te väöl gebeurdj, ich gaon miene eige waeg
Det ‘t oeatj zoea wied zów kómme, det haw ich neet verwach
Op slaag verangerdj alles, mien hert gebraoke, ’t hoes zoea laeg
Noe verdrink ich jaore later nag steeds in ‘t verdreet
Veer huuerdje toch biejein?! Vergaete kin ich dich neet
Ouch gèn plaats veur emes anges want mien hert luuetj nemes drin
Ich wil gaer nag aan dich vraoge: “Zit d’r veur ós nag ‘n toekoms same in?” 

Refrein

Teks: Ron Roemen meziek: Joep Servais/Ron Roemen

Refrein:

De sjoonste maedjes van oos Limburgs landj wo vin se die?
Hie, hie, die vin se hie
De leukste maedjes van oos Limburgs landj wo vin se die?
Hie, hie, die vin se hie
Want veer zeen zoea gezellig, höbbe noeatj ‘ns slechte zin
’n Knettertegek fieëske geit wie kook bie ós d’rin
De knapste maedjes van oos Limburgs landj wo vin se die?
Hie, hie, die vin se hie
Hie, hie, die vin se hie 

Veer zeen neet te besjeije, veer zeen gewuuen zoea knap
De aller, allerleukste, de krinten inne pap
Veer waere dan ouch neet veur nieks door ederein bemindj
Noe stèl nag ‘ns die vraog mer ‘t antjwaord is bekindj

Refrein

Kiek ‘ns nao oos feguurkes,  waem wiltj zoeaget noe neet?
‘t-Is toch óm van te haje, ’t-is neet van dees pleneet
Dit vin se nörges anges, veer zeen óngeëvenaard
De sjöppevrouw van-’t kaartspel, de slaagroum oppe taart

Refrein

Dus sjeij mer oet mit zeuke, de sjoonste die zeen hie
Wie God ’t haet verdeiltj stóng‘ veer veuraan inne rie

Refrein

De sjoonste –de sjoonste-, de leukste –de leukste-,
de knapste maedjes van oos Limburgs landj die vin se hie 

Teks & meziek: Ron Roemen

’t Paersbrook, ’t Vare, De Erks, ’t Lankdaal
De Pös enne Zómp witj ederein waal
Ich wanjel zoea gaer mit d’n hóndj door ‘t Brook
Hie loge kefeekes op ederen hook

Refrein:

Mien leefste Mofert
Ich bön aan dich gehech
Bön hie gebaore
Ich gaon hie noeatj mieër weg
Mien leefste Mofert
Ich veul mich hie zoea good
Mien leefste Mofert
Doe zits mich in ‘t blood
Mien leefste Mofert
Doe zits mich in ‘t blood

’t Kestieël, ’t Sweeltje, ’n rundje ómme Bek
Bös doe van Mofert, bös doe roead of gek
Moereflaaj en kroeboet det höbbe veer gaer
Kaad, naat en sjoeverechtig is hie ‘t waer

Refrein

‘n Gaetje is ’n gäötje, det witj ederein
Ze zègke: “Die van Mofert, die höbbe dieke bein”
Die van ’t dörp en vanne Berg, det geit taengenein
Mer vergaet neet die van Mofert die hajen euverein

Refrein